lyrics
ACOUGA ESTE MAR
Doaba o sorriso, ferido de amor,
as fiestras abertas, bandeiras de sol.
Pintaba de cores, nadando sen mar,
desexos de lúa, soños de limiar.
No intre un sospiro vestía de luz,
os tempos ficaban nun barco, seu lar.
¿Quen ten un segundo para de min lembrar
que amándote vivo, soñándote máis…?
Acouga este mar. Teño tanto medo…
En cada estreliña, meu amor, te vexo.
No ceo gaivotas de verbas abertas,
ceibes de gaiolas, sinal de guieiro,
ninguén que me roube angustias pasadas,
lembranzas de amores, fano compañeiro.
¿Quen merca un debuxo pra me decotar?
¿Quen fame non pasa, soñando máis pan?
Eu son mariñeiro, navego direito
e en cama de estrelas, quérome deitar.
Acouga este mar. Teño tanto medo…
En cada estreliña, meu amor, te vexo.
Quixera que a choiva, novas me trouxera
daqueles cativos que medrando espreitan.
os meus pensamentos, un nó corredío,
están peneirando cantares de río.
Voan meus cabelos no vento que chega
e cada golfiño, xogando, me leva.
se non me quixeras, ¿con qué soñaría?
Vivo porque vives ti, na miña vida.
Acouga este mar. Teño tanto medo…
En cada estreliña, meu amor, te vexo.
credits
from
Acústico,
released November 30, 2015
Gravado nos estudios Área Máster de Vigo
Guitarra e armónica Urbano Cabrera
Coros Paruca Goce
license
all rights reserved